Տիբոր Նյիլաշի
Տիբոր Նյիլաշի հունգ.՝ Nyilasi Tibor | ||||||||||||
---|---|---|---|---|---|---|---|---|---|---|---|---|
![]() | ||||||||||||
Անձնական տվյալներ | ||||||||||||
Ազգությունը | հունգարացի | |||||||||||
Քաղաքացիությունը |
![]() | |||||||||||
Ծննդյան ամսաթիվ | հունվարի 18, 1955 (69 տարեկան) | |||||||||||
Ծննդավայր | Վարպալոտա, Հունգարիա | |||||||||||
Հասակ | 189 սմ | |||||||||||
Քաշ | 77 կիլոգրամ | |||||||||||
Դիրք | Կիսապաշտպան, հարձակվող | |||||||||||
Ակումբային տեղեկություններ | ||||||||||||
Ներկա ակումբ |
![]() | |||||||||||
Պատանեկան կարիերա | ||||||||||||
| ||||||||||||
Մասնագիտական կարիերա* | ||||||||||||
Տարի | Ակումբ | Խաղ | (Գոլ) | |||||||||
| ||||||||||||
Ազգային հավաքական | ||||||||||||
| ||||||||||||
Մարզչական կարիերա | ||||||||||||
| ||||||||||||
* Մասնագիտական կարիերայում ընդգրկված են միայն առաջնության խաղերը և գոլերը: |
Տիբոր Նյիլաշի (հունգ.՝ Nyilasi Tibor, հունվարի 18, 1955[1][2], Վարպալոտա, Վեսպրեմ, Հունգարիա), հունգարացի ֆուտբոլիստ (հարձակվող և կիսապաշտպան), խաղացողի կարիերան ավարտելուց հետո աշխատել է որպես ֆուտբոլային մարզիչ։ Մասնակցել է 1978 թվականի աշխարհի առաջնությանը, իսկ 1982 թվականի աշխարհի առաջնության ժամանակ եղել է Հունգարիայի հավաքականի ավագը։
Կարիերա
[խմբագրել | խմբագրել կոդը]Ակումբային
[խմբագրել | խմբագրել կոդը]Տիբոր Նյիլաշին ֆուտբոլով զբաղվել սկսել է 1966 թվականին պիոներական կազմակերպության ակումբում։ 1970 թվականին նա հրավիրվել է «Վերենցվարոշ» ակումբի պատանեկան թիմ, որի կազմում առաջին անգամ խաղացել է 1973 թվականի մայիսի 14-ին[3], սակայն առաջին երկու մրցաշրջանների ընթացքում մասնակցել է ընդամենը 3 խաղի։ Թիմի հիմնական կիսապաշտպան է դարձել 1974/75 մրցաշրջանում[4], երբ «Ֆերենցվարոշը հասել է մինչև ՈՒԵՖԱ-ի գավաթակիրների գավաթի առաջնության եղրափակիչ, որտեղ հունգարական ակումբը պարտվել է Կիևի «Դինամո» ակումբին[5]։ Տիբոր Նյիլաշիի ու նրա թիմի համար հաջողությամբ է ավարտվել նաև 1975/76 մրցաշրջանը, որում «Ֆերենցվարոշը» ութ տարվա ընդմիջումից հետո կրկին դարձել է Հունգարիայի չեմպիոն։
1979 թվականի դեկտեմբերին Տիբոր Նյիլաշին, ով արդեն դարձել էր «Ֆերենցվարոշի» ավագը, հայտարարել է, որ ավարտում է իր կարիերան վնասվածքի պատճառով, որ ստացել էր դրանից երեք տարի առաջ[6]։ Սակայն շուտով նա փոխել է իր որոշումն ու վերադարձել մեծ ֆուտբոլ։ 1980/81 մրցաշրջանում Տիբոր Նյիլաշին խփել է 30 գոլ և, ֆուտբոլային շատ մեկնաբանների կարծիքով, կարող էր արժանանալ «Ոսկե մարզակոշիկի», սակայն բուլղարացի Գեորգի Սլավկովը, ով Նյիլաշիից 3 գոլ պակաս էր խփել, Բուլղարիայի առաջնության վերջին փուլում խփել է չորս գոլ և առաջ անցել Նյիլաշիից[7]։ Տիբոր Նյիլաշիի խփած գոլերն օգնեցին «Ֆրադիին» նվաճել չեմպիոնական հերթական տիտղոսը, իսկ Տիբոր Նյիլաշին ճանաչվեց 1981 թվականի լավագույն ֆուտբոլիստը Հունգարիայում[8]։ «Ֆերենցվարոշ» ակումբի կազմում Տիբոր Նյիլաշին խաղացել է 10 տարի՝ մասնակցելով 243 խաղի ու խփելով 132 գոլ Հունգարիայի առաջնությունում։
1983 թվականի ամռանը Տիբոր Նյիլաշին Հունգարիայի ֆուտբոլի ֆեդերացիայի թույլտվությամբ տեղափոխվել է ավստրիական «Աուստրիա» ակումբ (Վիեննա) և առաջին իսկ մրցաշրջանում դարձել Ավստրիայի չեմպիոն և ճանաչվել առաջնության լավագույն ռմբարկու[9]։ «Աուստրիայի» կազմում ևս երկու անգամ դառնալով չեմպիոն և մեկ անգամ դառնալով Ավստրիայի գավաթակիր՝ Տիբոր Նյիլաշին 1988 թվականին ավարտել է ֆուտբոլիստի իր կարիերան։ Վիեննայի «Աուստրիա» ակումբի կազմում Տիբոր Նյիլաշին ընդհանուր առմամբ անցկացրել է 155 պաշտոնական հանդիպում և խփել 111 գոլ[3], իսկ Ավստրիայի առաջնությունում նա մասնակցել է 120 խաղի և խփել 81 գոլ։
Հավաքականում
[խմբագրել | խմբագրել կոդը]Տիբոր Նյիլաշին Հունգարիայի ազգային հավաքականի կազմում առաջին անգամ խաղացել է 1975 թվականի օգոստոսի 10-ին Իրանի հավաքականի դեմ ընկերական խաղում, որ անցկացվել է Թեհրանում[10]։ Նույն թվականի սեպտեմբերի 24-ին նա մասնակցել է առաջին պաշտոնական խաղին, որ անցկացվել է 1976 թվականի Եվրոպայի առաջնության նախընտրկան փուլի շրջանակներում։ Այդ խաղի ժամանակ նա խփել իր առաջին գոլը հօգուտ հավաքականի։ Հունգարիայի հավաքականը խաղում էր Ավստրիայի հավաքականի դեմ, որը, ի տարբերություն Հունգարիայի թիմի, դեռևս հնարավորություն ուներ անցնել քառորդ եզրափակիչ։ Այնուամենայնիվ, դաշտի տերերն այդ խաղում հաղթեցին 2:1 հաշվով. հաշիվը բացել էր Տիգոր Նյիլաշին խաղի երկրորդ րոպեին[11]։ Դրանից հետո որակավորման փուլի շրջանակներում Հունգարիայի հավաքականին մնում էր անցկացնել ևս մեկ տնային խաղ. դա հոկտեմբերի 19-ին Լյուքսեմբուրգի հավաքականի դեմ անցկացված խաղն էր, որում Տիգոր Նյիլաշին խփել է 5 գոլ, ինչի շնորհիվ Հունգարիայի հավաքականը խոշոր հաղթանակ է տարել 8:1 հաշվով[12]։
1978 թվականի աշխարհի առաջնության նախընտրական փուլում Տիբոր Նյիլաշին արդեն Հունգարիայի հավաքականի հիմնական խաղացողներից էր[13]։ Որակավորման փուլում Հունգարիայի հավաքականի հակառակորդներն էին ԽՍՀՄ ու Հունաստանի հավաքականները։ 1977 թվականի ապրիլի 30-ին Բուդապեշտում անցկացված ԽՍՀՄ հավաքականի դեմ խաղի 44-րդ րոպեին Նյիլաշին խփեց առաջին գոլը, և արդյունքում հունգարացիները հաղթեցին 2:1 հաշվով[14]։ Հետագայում Հունգարիայի հավաքականը հաղթեց նաև Բոլիվիայի հավաքականին (Նյիլաշին խփել է առաջին հանդիպման գոլերից մեկը)[15] և անցել եզրափակիչ փուլ։ 1977 թվականի արդյունքներով՝ Տիբոր Նյիլաշին դարձել է Հունգարիայի լավագույն ռմբարկուներից մեկը՝. նա խփել էր 7 գոլ, ինչպես և Անդրաշ Տյորյոչիկը[16]։ Արգենտինայում Հունգարիայի հավաքականն ընկնում է «մահվան խումբ». նրա հակառակորդներն էին Իտալիայի ու Ֆրանսիայի հավաքականները, ինչպես նաև առաջնության տերերը՝ արգենտինացիները։ Տիբոր Նյիլաշին մասնակցել է երկու խաղի. Արգենտինայի հավաքականի դեմ խաղում նա ու Տյորյոչիկը հեռացվել են դաշտից կոպիտ խաղալու պատճառով[17]։
Նյիլաշին Հունգարիայի հավաքականի ավագն էր նաև չորս տարի անց[18]։ 1982 թվականի աշխարհի առաջնության ժամանակ Տիբոր Նյիլաշին մասնակցել է բոլոր երեք խաղերին[19] և խփել 2 գոլ Սալվադորի հավաքականի դարպասը[10]։ Այդ խաղում հունգարացիները հաղթել են 10:1 հաշվով և սահմանել աշխարհի առաջնության ռեկորդ գոլերի քանակով[20]։ Նյիլաշին հավաքականի կազմում մասնակցել է նաև 1984 թվականի Եվրոպայի առաջնության ու 1986 թվականի աշխարհի առաջնության նախընտրական փուլերին[10]։ 1986 թվականի աշխարհի առաջնության սկսելուց կարճ ժամանակ առաջ Նյիլաշին վնասվածք է ստացել և փորձել է արագ ապաքինվել՝ առաջնությանը մասնակցելու համար[21]։ Սակայն վերջին պահին հայտնի է դարձել, որ Նյիլաշին չի կարողանա մասնակցել առաջնության խաղերին[22]։ Հունգարիայի հավաքականի նոր ավագ է ընտրվում Անտալ Նադը, ով ստանում է «8» համարը, որով Նյիլաշին հանդես էր գալիս նախորդ երկու մրցությունների ընթացքում[23]։
Հունգարիայի հավաքականի կազմում Տիբոր Նյիլաշին խաղացել է 1975-1985 թվականներին՝ մասնակցելով 70 հանդիպման և խփելով 32 գոլ[10]։ 26 խաղերի ժամանակ նա եղել է թիմի ավագը[24]։
1981 թվականի օգոստոսի 18-ին Տիբոր Նյիլաշին Եվրոպայի հավաքականի կազմում մասնակցել է չեխոսլովակյան ֆուտբոլի 80-ամյակին նվիրված խաղին[25]։ Խաղան ավարտվել է Չեխոսլովակիայի հավաքականի հաղթանակով (4:0)[26]։
Մարզչական
[խմբագրել | խմբագրել կոդը]Ֆուտբոլիստի կարիերան ավարտելուց հետո Տիբոր Նյիլաշին աշխատել է որպես մարզիչ՝ 1990-1994 թվականներին գլխավորելով «Ֆերենցվարոշ» ակումբը, որի հետ երեք անգամ դարձել է Հունգարիայի գավաթակիր։ 1991/92 մրցաշրջանում նրա թիմը հաղթել է Հունգարիայի առաջնությունում։ 1997 թվականին Տիբոր Նյիլաշին երկրորդ անգամ գլխավորել է «Ֆերենցվարոշ» ակումբը և 1997/98 մրցաշրջանում թիմն զբաղեցրել է երկրորդ տեղը։
2002-2007 թվականներին Տիբոր Նյիլաշին աշխատել է Հունգարիայի ֆուտբոլի ֆեդերացիայում։
Նվաճումներ
[խմբագրել | խմբագրել կոդը]Որպես խաղացող
[խմբագրել | խմբագրել կոդը]Թիմային
[խմբագրել | խմբագրել կոդը]- Հունգարիայի չեմպիոն (2) - 1975/76, 1980/81
- Հունգարիայի գավաթակիր (3) - 1973/74, 1975/76, 1977/78
- Ավստրիայի չեմպիոն (3) - 1983/84, 1984/85, 1985/86
- Ավստրիայի գավաթակի - 1985/86
- ՈՒԵՖԱ-ի գավաթակիրների գավաթի առաջնության եզրափակչի մասնակից - 1974/75
Անձնական
[խմբագրել | խմբագրել կոդը]- Հունգարիայի տարվա ֆուտբոլիստ - 1981
- Հունգարիայի առաջնության լավագույն ռմբարկու - 1980/81
- Ավստրիայի առաջնության լավագույն ռմբարկու - 1983/84
- «Ոսկե մարզակոշիկի» դափնեկիր - 1981
- ՈՒԵՖԱ-ի գավաթի առաջնության լավագույն ռմբարկու - 1983/84
Որպես մարզիչ
[խմբագրել | խմբագրել կոդը]- Հունգարիայի առաջնություն - 1991/92
- Հունգարիայի գավաթակիր (3) - 1990/91, 1992/93, 1993/94
Ելույթների վիճակագրություն
[խմբագրել | խմբագրել կոդը]Կարիերա
[խմբագրել | խմբագրել կոդը]Թիմ | Ժամանակաշրջան | Պաշտոնական խաղեր |
Ոչ պաշտոնական խաղեր |
Արդյունք | |||
---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | ||
Ֆերենցվարոշ | 1972-1983 | 309 | 166 | 74 | 54 | 383 | 220 |
Աուստրիա (Վիեննա) | 1983-1988 | 155 | 111 | 62 | 70 | 217 | 181 |
Հունգարիա | 1975-1985 | 70 | 32 | 42 | 36 | 112 | 68 |
Հունգարիա (B) | 1976 | 1 | 0 | 0 | 0 | 1 | 0 |
Ընդհանուր | 535 | 309 | 178 | 160 | 713 | 469 |
Ակումբային կարիերա
[խմբագրել | խմբագրել կոդը]Ակումբ | Մրցաշրջան | Լիգա | Գավաթներ[27] | Եվրագավաթներ[28] | Այլ[29] | Արդյունք | Ընկերական խաղեր |
Ընդհանուր | |||||||
---|---|---|---|---|---|---|---|---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Ֆերենցվարոշ | 1972/73 | 1 | 0 | 0 | 0 | 0 | 0 | 0 | 0 | 1 | 0 | 0 | 0 | 1 | 0 |
1973/74 | 2 | 0 | 2 | 0 | 0 | 0 | 0 | 0 | 4 | 0 | 2 | 0 | 6 | 0 | |
1974/75 | 25 | 6 | 1 | 1 | 5 | 2 | 0 | 0 | 31 | 9 | 11 | 7 | 42 | 16 | |
1975/76 | 28 | 12 | 7 | 6 | 2 | 3 | 0 | 0 | 37 | 21 | 15 | 9 | 52 | 30 | |
1976/77 | 26 | 16 | 5 | 2 | 3 | 4 | 0 | 0 | 34 | 22 | 9 | 4 | 43 | 26 | |
1977/78 | 28 | 8 | 8 | 1 | 2 | 0 | 0 | 0 | 38 | 9 | 0 | 0 | 38 | 9 | |
1978/79 | 29 | 21 | 11 | 8 | 4 | 1 | 0 | 0 | 44 | 30 | 12 | 19 | 56 | 49 | |
1979/80 | 22 | 12 | 0 | 0 | 2 | 0 | 0 | 0 | 24 | 12 | 10 | 4 | 34 | 16 | |
1980/81 | 34 | 30 | 5 | 1 | 0 | 0 | 0 | 0 | 39 | 31 | 3 | 2 | 42 | 33 | |
1981/82 | 25 | 10 | 0 | 0 | 2 | 0 | 0 | 0 | 27 | 10 | 2 | 0 | 29 | 10 | |
1982/83 | 23 | 17 | 3 | 5 | 4 | 0 | 0 | 0 | 30 | 22 | 10 | 9 | 40 | 31 | |
Ընդհանուր | 243 | 132 | 42 | 24 | 24 | 10 | 0 | 0 | 309 | 166 | 74 | 54 | 383 | 220 | |
Աուստրիա (Վիեննա) | 1983/84 | 29 | 26 | 7 | 9 | 8 | 9 | 0 | 0 | 44 | 44 | 12 | 13 | 56 | 57 |
1984/85 | 26 | 17 | 4 | 2 | 6 | 2 | 0 | 0 | 36 | 21 | 17 | 21 | 53 | 42 | |
1985/86 | 20 | 18 | 1 | 2 | 4 | 1 | 0 | 0 | 25 | 21 | 12 | 18 | 37 | 39 | |
1986/87 | 19 | 9 | 1 | 2 | 0 | 0 | 1 | 0 | 21 | 11 | 10 | 10 | 31 | 21 | |
1987/88 | 26 | 11 | 1 | 3 | 2 | 0 | 0 | 0 | 29 | 14 | 11 | 8 | 40 | 22 | |
Ընդհանուր | 120 | 81 | 14 | 18 | 20 | 12 | 1 | 0 | 155 | 111 | 62 | 70 | 217 | 181 | |
Ընդհանուր | 363 | 213 | 56 | 42 | 44 | 22 | 1 | 0 | 464 | 277 | 136 | 124 | 600 | 401 |
Ծանոթագրություններ
[խմբագրել | խմբագրել կոդը]- ↑ Transfermarkt.com(բազմ․) — 2000.
- ↑ FBref.com(բազմ․)
- ↑ 3,0 3,1 «Tibor Nyilasi» (գերմաներեն). Austria Wien Archiv — Die Online Statistik. Արխիվացված է օրիգինալից 2012 թ․ օգոստոսի 2-ին. Վերցված է 2011 թ․ հոկտեմբերի 22-ին.
- ↑ Нискач Л. И «Фради» не прочь выиграть // Футбол-Хоккей. 11 мая 1975. № 19 (781). С. 5
- ↑ Радчук Г. Путь пройден до конца // Футбол-Хоккей. 18 мая 1975. № 20 (782). С. 1—4
- ↑ Уход Нилаши // Футбол-Хоккей. 30 декабря 1979. № 52 (1022). С. 14
- ↑ Глод В. В., Майский А. П., Сушкевич Э. С. Футбол-82. — Мн.: Полымя, 1982. — С. 71
- ↑ Кто есть кто в мировом футболе / ред. О. С. Кучеренко. — М.: Библиотека еженедельника «Футбол», выпуск 4, 1995. — С. 56
- ↑ Глод В. В., Майский А. П., Сушкевич Э. С. Футбол-85. — Мн.: Полымя, 1985. — С. 70
- ↑ 10,0 10,1 10,2 10,3 Roberto Mamrud. (2003 թ․ հունիսի 13). «Tibor Nyilasi — Goals in International Matches» (անգլերեն). rsssf.com. Արխիվացված է օրիգինալից 2011 թ․ հունիսի 4-ին. Վերցված է 2011 թ․ հոկտեմբերի 22-ին.
- ↑ Венгрия — Австрия — 2:1 // Футбол-Хоккей. 28 сентября 1975. № 39 (801). С. 16
- ↑ Венгрия — Люксембург — 8:1 // Футбол-Хоккей. 26 октября 1975. № 43 (805). С. 16
- ↑ Мозер И. Грани стабильности // Футбол-Хоккей. 10 апреля 1977. № 15 (881). С. 14
- ↑ Второй отборочный // Футбол-Хоккей. 8 мая 1977. № 19 (885). С. 10—11
- ↑ Венгрия — Боливия — 6:0 // Футбол-Хоккей. 6 ноября 1977. № 45 (911). С. 16
- ↑ Нискач Л. Преодоление кризиса // Футбол-Хоккей. 16 апреля 1978. № 16 (934). С. 14
- ↑ Филатов Л. Мир ищет чемпиона // Футбол-Хоккей. 11 июня 1978. № 24 (942). С. 10—12
- ↑ Трое непохожих // Футбол-Хоккей. 9 мая 1982. № 19 (1145). С. 13—15
- ↑ «Hungary — Players A~Z» (անգլերեն). World Cup Factfiles. Արխիվացված է օրիգինալից 2011 թ․ դեկտեմբերի 18-ին. Վերցված է 2011 թ․ հոկտեմբերի 22-ին.
- ↑ Чемпионам нелегко // Футбол-Хоккей. 20 июня 1982. № 25 (1151). С. 8—9
- ↑ На поправку // Футбол-Хоккей. 13 апреля 1986. № 15 (1349). С. 15
- ↑ Асаулов Л. В фокусе — Венгрия // Футбол-Хоккей. 25 мая 1986. № 21 (1355). С. 14—15
- ↑ Венгрия — постоянные номера // Футбол-Хоккей. 1 июня 1986. № 22 (1356). С. 7
- ↑ Савин А. В. Мировой футбол: кто есть кто: Полная энциклопедия. — М.: Эксмо, 2007. — С. 449—450
- ↑ Глод В. В., Майский А. П., Сушкевич Э. С. Футбол-82. — Мн.: Полымя, 1982. — С. 73
- ↑ «Zápis o utkání č. 398: ČSSR — UEFA — 4 : 0» (չեխերեն). Fotbal.cz. 1981 թ․ օգոստոսի 18. Արխիվացված է օրիգինալից 2011 թ․ սեպտեմբերի 13-ին. Վերցված է 2011 թ․ հոկտեմբերի 22-ին.
- ↑ Հունգարիայի գավաթ, Ավստրիայի գավաթ
- ↑ Եվրոպայի չեմպիոնների գավաթ, ՈՒԵՖԱ-ի գավաթ, ՈՒԵՖԱ գավաթակիրների գավաթ, Միտրոպայի գավաթ։
- ↑ Ավստրիայի սուպերավաթ
Արտաքին հղումներ
[խմբագրել | խմբագրել կոդը]- Վիճակագրությունը fifa.com կայքում Արխիվացված 2016-03-05 Wayback Machine (անգլ.)
- Վիճակագրությունը National Football Teams կայքում (անգլ.)
- Էջը worldfootball.net կայքում (անգլ.)
- Էջը FootballDatabase.eu կայքում (ֆր.)
![]() | Վիքիպահեստն ունի նյութեր, որոնք վերաբերում են «Տիբոր Նյիլաշի» հոդվածին։ |
|
- Ապրող անձինք
- 1955 ծնունդներ
- Հունվարի 18 ծնունդներ
- Անձինք այբբենական կարգով
- Ֆուտբոլիստներ այբբենական կարգով
- Հունգարացի ֆուտբոլային մարզիչներ
- Հունգարացի ֆուտբոլիստներ
- Հունգարիայի հավաքականի ֆուտբոլիստներ
- Տղամարդկանց ֆուտբոլի կիսապաշտպաններ
- Տղամարդկանց ֆուտբոլի հարձակվողներ
- Ֆերենցվարոշի ֆուտբոլիստներ
- Ֆուտբոլային մարզիչներ այբբենական կարգով